Me rastin e manifestimit të Ditës së Forcës, ditës së shpalljes së Pavarësisë së Shqipërisë dhe ditëlindjes së komandantit legjendar të UÇK-së Adem Jashari, Ministri i Mbrojtjes Rrustem Berisha, Komandanti i Forcës së Sigurisë së Kosovës Gjenerallejtnant Rrahman Rama, Sekretari i Përhershëm i MM Faruk Geci, të shoqëruar edhe nga gjeneralë dhe oficer tjerë të lartë të FSK-së, kanë bërë homazhe te Kompleksi Memorial “Adem Jashari” në Prekaz.
“ Ishim këtu për të nderuar veprën e lavdishme të komandantit legjendar të UÇK-së Adem Jashari dhe sakrificën e madhe të familjes Jashari si dhe për të nderuar të gjithë dëshmorët dhe gjithë të rënët për liri në breza”- tha ministri Rrustem Berisha.
Festën kombëtare të 28 Nëntorit, uroi edhe gjenerallejtnat Rrahman Rama.
“Në këtë datë të shënuar historike, zhvilluam homazhe në nderim të familjes së madhe Jashari dhe të gjithë dëshmorëve të kombit të rënë në luftërar çlirimtare për liri, shtet ndërtim dhe pavarësi” – tha Gjenerallejtnant Rama.
