Komandanti i FSK-së, priti në takim Atashetë e Mbrojtjes
Komandanti i FSK-së, gjenerallejtënant (GLT) Bashkim Jashari, priti sot në takim atashetë e mbrojtjes së Republikës së Kosovës të akredituar në shtetet partnere nëpër botë. Gjeneral Jashari informoi ata mbi zhvillimet e FSK-së përgjatë këtij viti dinamik si dhe fushat e përgjithshme të bashkëpunimit me shtetet përkatëse.
Më pas, atashetë e mbrojtjes raportuan, një nga një, mbi fushat specifike të bashkëpunimit, mbi shkollimet dhe trajnimet si dhe zhvillimin e mëtutjeshëm të marrëdhënieve bilaterale me shtetet ku ata janë të akredituar.
Në fund, Komandanti i FSK-së u foli atasheve për objektivat e vitit 2025 si dhe kërkoi nga ta që të zhvillojnë tutje planet bilaterale të bashkëpunimit, në linjë me synimet e Komandanti i FSK-së për zhvillimin e një force profesionale dhe të ndërveprueshme me shtetet e NATO-s. /2LONLINE/