Ministri për Ministrinë e Forcës së Sigurisë së Kosovës (MFSK), Rrustem Berisha priti sot në takim zyrtar atasheun belg të mbrojtjes, kolonelin Yves Cuvelier, në MFSK.
Ministri Berisha dhe atasheu i mbrojtjes Cubelier nga Belgjika diskutuan lidhur me mundësitë e bashkëpunimit bilateral në lëmin e sigurisë në mes të MFSK/FSK dhe autoriteteve homologe belge dhe zgjerimin e tij edhe në fusha tjera që janë me interes për dy vendet.
Ministri Berisha e njoftoi atasheun Yves Cuvelier me zhvillimet e përgjithshme të FSK-së, sukseset gjatë trajnimeve dhe operacioneve të ndryshme si brenda dhe jashtë vendit, përfshirë integrimin e pjesëtarëve të komuniteteve në FSK. Po ashtu, përmendi edhe bashkëpunimin ndërkombëtar me NATO-n, KFOR-in, NALT-in, Gardën Kombëtare të Ajovës dhe falënderoi shtetin e Belgjikës për përkrahjen e vazhdueshme në rrugëtimin e shtetit tonë.
Atasheu i mbrojtjes, koloneli Cuvelier nga ana e tij shprehu falënderim për mikpritjen e ministrit Berisha, duke e përgëzuar për punën e deritanishme të tij në veçanti, si dhe për të arriturat e MFSK/FSK në përgjithësi dhe premtoi thellim të bashkëpunimit edhe në të ardhmen.
