Qendra e Lëvizjes Vetëvendosje! në Gjilan, është e tronditur nga aksidenti tragjik që ndodhi sot në qendër të qytetit, me ç’rast shpreh ngushëllimet më të sinqerta për familjen Çoçaj, e cila humbi kryefamiljarin e saj Qerim Çoçaj, në këtë aksident fatkeq për shumë qytetarë të Gjilanit.
Kryetari i Lëvizjes në Gjilan Nevzad Isufi, i shoqëruar nga anëtarë të strukturës, vizituan të aksidentuarit që gjendeshin në spitalin e qytetit, duke i dëshiruar shërim të lehtë dhe të shpejtë.
Ndërsa,falënderojmë stafin mjekësor të spitalit të Gjilanit, për mobilizimin dhe ofrimin e shërbimeve për qytetarët e lënduar në aksident.
Është rast i rëndë jo vetëm për familjarët e viktimës dhe të të lënduarëve, por për të gjithë qytetarët shqetësimi i të cilëve është i madh. Prandaj edhe kërkojmë nga organet kompetente që të hetohet ky rast dhe përgjegjësit të bartin barrën e tyre të përgjegjësisë, është thënë në njoftimin e kësaj Lëvizjeje.
