![Në shkollën “Bafti Haxhiu” në Viti u mbajt një demonstrim për testimin e kapaciteteve në rast të tërmeteve](https://2lonline.com/file/2022/10/TERMETI_SIMULIM-850x560.jpg)
Sot në shkollën fillore të mesme të ulët “Bafti Haxhiu” në Viti, është mbajtur një demonstrim-testim i kapaciteteve të shkollës në rast të tërmeteve.
Me këtë rast në këtë testim të kapaciteteve të kësaj shkolle i pranishëm ishte dhe kryetari i komunës së Vitisë, Sokol Haliti i shoqëruar nga Fatbardha Emini, drejtoreshë e Arsimit në Viti.
Bëhet me dije se ky projekt që është mbështetur nga Kryqi i Kuq dhe nga “JICA” japoneze, ka filluar muaj me parë që kjo shkollë të ketë një ekip për raste emergjente.
Ndërkaq i pari i komunës vuri në pah rëndësinë e ushtrimeve të tilla për të minimizuar dëmet në rast të fatkeqësive.
“Këto janë aktivitete shumë të rëndësishme sepse i përgatisin mësimdhënësit dhe nxënësit për mbrojtje në rast të fatkeqësive natyrore në këtë rast të tërmeteve” u shpreh kryetari Haliti.
Ai gjithashtu përgëzoi dhe falënderoj Kryqin e Kuq në nivel qendror dhe lokal dhe donatorin e këtij trajnimi (JICA).
Pjesë e këtij demonstrimi ishin edhe Policia e Kosovës – stacioni në Viti. /2LONLINE/