Ministri i Ekonomisë dhe Ambientit (MEA), Blerim Kuçi ka zhvilluar sot një takim virtual me Ambasadorin e Shteteve të Bashkuara të Amerikës në Kosovë, Philip Kosnett.
Gjatë takimit, i cili ishte me karakter njohës, është diskutuar për gjendjen ekonomike në Kosovë të krijuar si pasojë e pandemisë Covid-19.
Ministri Kuçi e njoftoi Ambasadorin Kosnett për masat që do të ndërmarrë Qeveria e Kosovës për rimëkëmbjen ekonomike në vend.
Po ashtu, është diskutuar për zhvillimin e sektorit të energjisë në Kosovë, si dhe për mbështetjen e aktiviteteve të ndërmarrjeve publikë dhe sektorit privat në Kosovë.
