Kryetari Hyseni priti në takim ambasadorin e Hungarisë, folën për projektet e komunës

Ambasadori i Hungarisë në Kosovë, Bela Boszik, ka qëndruar për vizitë pune në Komunën e Gjilanit, ku është pritur nga kryetari Alban Hyseni.

I pari i Gjilanit tregoi se temë diskutimi ishin projektet zhvillimore në komunë, investimet  ekonomike e arsimore dhe forcimi i bashkëpunimit.

“Para tij prezantova projektet zhvillimore për komunën, ku diskutuam për mundësitë e bashkëpunimit dhe investimeve të reja në fusha me interes për të dyja palët, me theks të veçantë në sektorin e arsimit dhe ekonomisë”, tha Hyseni.

Kryetari i Komunës së Gjilanit, tha se u dakorduan që të thellojnë dhe forcojnë mundësinë e bashkëpunimit edhe për të ardhmen e afërt.

Ambasadori i Hungarisë në Kosovë, Bela Bozsik, shprehu mbështetjen dhe përkushtimin e tij në thellimin e marrëdhënieve me Komunën e Gjilanit. /2LONLINE/