Komandanti i FSK-së, Gjenerallejtënant Bashkim Jashari priti sot në takim lamtumirës / njoftues, këshilltarët ushtarak italian, Kolonelin Giovanni Ventura dhe Kolonelin Osvaldo Ceroni.
Fillimisht Gjeneral Jashari falënderoi Kolonel Ventura për shërbimin e tij të deri tanishëm si këshilltar ushtarak, duke vlerësuar dhe shprehur mirënjohje të lartë për punën e tij. Gjithashtu i shprehu mirëseardhje dhe i uroi për detyrën e re si këshilltar ushtarak Kolonel Ceronit.
KOMFSK diskutoi për objektivat e tij lidhur me zhvillimin e Forcës si dhe planet bilaterale lidhur me trajnimet, stërvitjet, pajisjet dhe aktivitetet tjera të përbashkëta.
Në fund të dy palët u pajtuan që marrëdhëniet të zhvillohen edhe më tutje duke u fokusuar në fushat e zhvillimit të kapaciteteve ushtarake të FSK-së në funksion të përmbushjes së misionit të saj, njofton FSK. /2LONLINE/
