Slovan Bratislava para ndeshjes ndaj Feronikelit në stadiumin “Fadil Vokrri” në Prishtinë ka mbajtur seancë stërvitore.
Paraprakisht, trajneri dhe futbollisti mbajtën konferencë për media, duke prezantuar pritjet e tyre për ndeshjen vendimtare kualifikuese.
Në këtë konferencë u paraqitën trajneri Jan Kozak dhe lojtari Joeri de Kamps.
Joeri De Kamps u shpreh se janë përgatitur mjaft mirë për këtë ndeshje.
“Ne jemi gjithmonë gati për të luajtur ndeshje të tilla. Jemi përgatitur mjaftë shumë. Kemi një ndeshje shumë të vështirë përballë një kundërshtari të fortë dhe të dy ekipet dëshirojnë ta fitojnë ndeshjen. Nuk frikësohemi, ne luajmë gjithmonë njëjtë si në shtëpi ashtu edhe si mysafirë. Nuk do ta kemi aspak të lehtë para tifozëve. Mendoj që nuk do të mirëpritemi mirë nga tifozët andaj do të jetë shumë e vështirë”, tha Kamps.
Ndërkaq, trajneri i skuadrës nga Sllovakia, Jan Kozak tha se skuadra në Kosovë ka udhëtuar me vetëm një qëllim dhe ai është që të kualifikohet në raundin tjetër.
“Kemi një përparsi pasi kemi fituar ndeshjen e parë, e dimë se çfarë kërkojmë dhe dëshriojmë të kalojmë në raundin tjetër. Nuk do të jetë me rëndësi rezultati kryesorja është të kalojmë në raundin tjetër. Eliminimi, normalisht që do të ishte një zhgënjim i madh për Slovanin, por me gjithë respektin për Feronikelin ne kemi udhëtuar që të kalojmë në raundin tjetër. Ne jemi shumë të lumtur që do të ketë shumë shikues dhe do të jemi shumë të motivuar të luajmë para një numri të madh shikuesve” tha ai.
Të pyetur për ndodhitë e fundit te Slovan Bratislava për lojtarët dhe teajnerët serb drejtuesit e klubit të Sloveni Bratislavën nuk kanë dashur të diskutojnë diçka më shumë për arsye se sipas tyre nuk dëshirojnë t’i fusin qështjet politike në sport.
