Pagat e vogla, huat, kreditë, të gjitha këto kanë pasoja të rënda për shëndetin e përgjithshëm të njerëzve. Përballja me problemet monetare çon në probleme në funksionimin kognitiv, por edhe në sëmundje serioze.
Si reagon sistemi ynë?
Trupi përdor mekanizmin e tij të mbrojtjes, duke lejuar që instinktet tona të reagojnë shpejt kur përballen me një kërcënim të menjëhershëm.
Kur stresohet, hormonet siç janë adrenalina dhe kortizoli sekretohen për të ndihmuar në menaxhimin e këtij kërcënimi.
“Sindroma akute e stresit është një tendosje e madhe në trup. Ai na shteron plotësisht”, thotë Amy Daramus, një psikologe klinike me qendër në Çikago.
Ajo gjithashtu beson se ky lloj stresi mund të çojë në shumë tension të muskujve dhe madje deri në atë pikë ku muskujt me të vërtetë fillojnë të na lëndojnë.
Për më tepër, ajo shkakton anomali në sistemin imunitar, duke na bërë më të ndjeshëm ndaj sëmundjeve sesa zakonisht, dhe mund të shkaktojë dhimbje barku, si dhe dhimbje koke, edhe nëse nuk jemi të vetëdijshëm se jemi të stresuar.
Edhe pse e konsideroni veten një person racional dhe inteligjent, aftësia për të marrë vendime të mira është e dëmtuar në situata stresuese.
