Tashmë është bërë e ditur edhe zyrtarisht se Vedat Muriq do të mungojë për ndeshjet ndaj Republikës së Çekisë dhe Anglisë.
Përfaqësuesja jonë fillimisht do të takohet me çekët më 14 nëntor në Plzen, derisa do t’i pres ‘Tre Luanët’ në stadiumin e ‘Fadil Vokrri’ tri ditë më vonë (17 nëntor).
Muriqi ka thënë se ndjenë keqardhje që nuk do të jetë i pranishëm në këtë takim, por që do t’u jap përkrahje maksimale në këto përballje të rëndësishme në kualifikimet për Euro 2020.
“I uroj sukses të gjithë shokëve të mi për ndeshjen e nesërme! Njëherësh, ndjej keqardhje që nuk do të mund të jap mund në fushë bashkë me ta në këtë përballje të rëndësishme. Përkrahje e plotë, përherë”, ka shkruar Muriqi.
Sulmuesi që luan te Fenerbahce po kalon nëpër një formë të lartë, mirëpo në këto dy takime nuk do të jetë i gatshëm për shkak të lëndimit.
