Ministri i Punëve të Brendshme, Agim Veliu priti në takim Kryetarin e Odës Ekonomike të Kosovës, Berat Rukiqi.
Në këtë takim, ministri Veliu me Kryetarin e Odës Ekonomike të Kosovës diskutuan për situatën e përgjithshme rreth menaxhimit të pandemisë COVID-19.
“Jemi të vetëdijshëm që ky sektor është goditur më së shumti si pasojë e masave kufizuese, andaj shqyrtuam mundësinë̈ e heqjes së disa kufizimeve për biznese”, tha me këtë rast ministri Veliu.
Po ashtu, në këtë takim u bisedua edhe për format e angazhimit të përbashkët për vetëdijesimin e bizneseve në zbatimin e masave mbrojtëse.
