Ministri i Administratës Publike dhe Vetëqeverisjes lokale, Branko Ruzhiq ka shpallur zgjedhjet për 4 nëntor për këshillat nacionale të pakicave kombëtare në Serbi.
Ai në konferencë për gazetare theksoi se deri më 15 gusht janë regjistruar 475 mijë qytetarë që mundë të votojnë në këto zgjedhje të cilat do të organizohen për 22 këshilla nacionale, transmeton Titulli.com.
Sipas tij për 18 këshilla do të votohet direkt për anëtarë ndërsa për 4 këshilla do të votohen në mënyrë indirekte përkatësisht në mënyrë elektronike,
Ministri Ruzhiq u shpreh se afati për dorëzimin e listës është 15 ditë para mbajtjes së zgjedhjeve për ata që votojnë direkt ndërsa për ata që votojnë indirekt 30 ditë para mbajtjes së zgjedhjeve.
“Në këtë mënyrë afirmojmë faktin se në serbi jetojnë afro 13% pakica kombëtare dhe kemi obligim të ruajmë dhe luftojmë për tolerancë në shoqëri”, theksoi Ruzhiq.
Ruzhiq fto pakicat që të regjistrohen në listën zgjedhore dhe se ky proces vazhdon deri në mbajtjen e zgjedhjeve.
Spektri politik shqiptarë në Luginë në një tribunë të organizuar në tetor të vitit 2014 kanë vlerësuar se Këshilli Kombëtar Shqiptar është institucion jetik i pakicës shqiptare në Serbi.
BURIMI: Titulli.com
