Ministri i Ministrisë së Punëve të Brendshme, Bejtush Gashi, ka pritur në takim njoftues ambasadoren e Republikës së Finlandës në Kosovë, znj. Anne Huhtamaki.
Në këtë takim, fillimisht u bisedua lidhur me çështjen e sigurisë, me ç’rast ministri Gashi e falënderoi ambasadoren Huhtamaki për përkrahjen e dhënë nga shteti i Finlandës në ndërtimin e institucioneve të sigurisë në Kosovë.
Gjithashtu, në këtë takim u bisedua edhe për forcimin e marrëdhënieve bilaterale në mes të dy vendeve.
Ndërsa ambasadorja Huhtamaki, theksoi se shteti i Finlandës është i gatshëm të ofrojë përkrahje të mëtejme për Ministrinë e Punëve të Brendshme në luftimin e krimit dhe ofrimin e sigurisë për të gjithë qytetarët.