“Lidhja Demokratike e Kosovës (LDK), Dega në Gjilan, reagon ashpër ndaj eksperimentit të radhës së qeverisë komunale, lidhur me mbylljen e vendkalimit në qendër të qytetit”, thuhet në një reagim të Zyrës për Marrëdhënie me Publikun e LDK-së së Gjilanit.
Në ktë reagim thuhet se ky vendkalim lidh sheshet mes vete dhe nuk mund e as nuk duhet të mbyllet, për shkak se e shkëput lëvizjen e lirë të qytetarëve.
“LDK ua kujton drejtuesve të Komunës së Gjilanit se ka kaluar ‘muaji i mjaltit’, t’i përvjelin mëngët dhe të fillojnë t’i realizojnë ato 109 premtimet elektorale e t’i vazhdojnë projektet zhvillimore që i projektoi, ideoi, buxhetoi e zhvilloi qeveria e kaluar e udhëhequr nga kryetari z. Lutfi Haziri. Lërini eksperimentet. Grahni punës”, thuhet në fund të reagimit të Zyrës për Marrëdhënie me Publikun e LDK-së së Gjilanit. /2LONLINE/
