Kryeministri i Qeverisë së Republikës së Kosovës, Ramush Haradinaj, priti sot kongresistin amerikan Eliot Engel, i cili njihet për mbështetje të madhe që i ka dhënë Kosovës në vazhdimësi që nga zgjedhja e tij në Kongresin amerikan.
Fillimisht, kryeministri Ramush Haradinaj dhe kongresisti amerikan, Eliot Engel, kanë vënë kurora lulesh për viktimat hebreje gjatë Luftës së Dytë Botërore, te pllaka përkujtimore që shenjëzon vendin ku ishte Sinagoga e fundit.
Ata kanë përkujtuar dhe nderuar kujtimin për këto viktima me një minutë heshtje para pllakës që gjendet në oborrin e Qeverisë së Republikës së Kosovës.
