Presidenti Thaçi pas qëndrimit në Halifax udhëtoi për në Otavë

Presidenti i Republikës së Kosovës, Hashim Thaçi, pas qëndrimit të tij në Halifax, ku mori pjesë në Forumin Ndërkombëtar të Sigurisë, ka udhëtuar sot për në kryeqytetin kanadez, në Otavë, ku do të zhvilloj një sërë takimesh me përfaqësues të Qeverisë dhe Parlamentit të Kanadasë.

Presidenti Thaçi gjatë qëndrimit të tij në Otavë do të takoj homologen e tij, Julie Payette, kryetarin e Senatit, ministren e Punëve të Jashtme, Komisionin për Punë të Jashtme dhe Zhvillim Ndërkombëtarë, përfaqësues të partive, si dhe përfaqësues të shoqërisë civile.