Koordinatori i Zyrës për Çështje Fetare pranë Ambasadës Turke në Prishtinë, Bilal Coskun, së bashku me sekretarin e asaj zyre, Zymer Ramadani, vizituan Këshillin e Bashkësisë Islame të Kosovës (KBI) në Gjilan.
Delegacionin e priti kryetari i KBI-së në Gjilan, Naim Aliu, me bashkëpunëtorë.
Gjatë këtij takimi u biseduan tema të ndryshme me karakter bashkëpunimi fetar në dobi të qytetarëve.
Me theks të veçantë u diskutua për hapat që do të vazhdojnë të ndërmerren në drejtim të mbrojtjes së trashëgimisë kulturore dhe ruajtjes së harmonisë ndërfetare në Kosovë, e në veçanti në komunën e Gjilanit.
Në fund të takimit, bashkërisht vizituan njërën ndër xhamitë më të vjetra në komunën e Gjilanit, Xhaminë Atik. /2LONLINE/
