“Punimet në njërin ndër projektet më të mëdha të Komunës së Gjilanit atë për zgjerimin e rrugës “Hamdi Kurteshi” në qytet po vazhdojnë. Mbulimi i shtratit të lumit rreth 1 kilometër, kap shifrën prej 2.4 milionë eurove”, ka thënë Alban Hyseni, kryetar i Komunës së Gjilanit.
Ai thotë se kjo rrugë do të jetë me katër korsi, trotuar në dy anët, shteg për biçikleta dhe shirit për këmbësorë. Si shkak i punimeve një pjesë e rrugës, është bllokuar për qarkullim dhe se e cila pritet të hapet së shpejti. E për të mos pasur bllokim të plotë, ishte asfaltuar një rrugë alternative.
Për të parë ecurinë e punimeve në rrugën “Hamdi Kurteshi”, në orët e hershme ka dalë kryetari i Komunës së Gjilanit, Alban Hyseni.
“Jemi afër për t’u liruar për qarkullim aksin e parë dhe më pas do të vazhdojë faza e parë për ndërtimin e kolektorit”, tha kryetari Hyseni. /2LONLINE/
