Kanë nisur punimet për ndërtimin e njërës ndër rrugët kryesore të qytetit, asaj “Adem Jashari”.
Kreu i Komunës së Gjilanit, Alban Hyseni ka thënë se përveç rrugës sipas standardeve të lejuara, do të ndërtohet edhe trotuari dhe po ashtu do të jenë edhe 80 vend parkingje për automjete dhe kjo është një lajm i mirë për bizneset e banorët.
Rruga nuk do të jetë e bllokuar tërësisht, por vetë njëra korsi.
Punimet do të realizohen në dy pjesë, faza e parë nga Universiteti i Gjilanit deri te Xhamia e Medresesë dhe faza e dyte deri te Xhamia e Madhe.
I pari i Gjilanit tha se lidhur me këto punime janë zhvilluar diskutime jo të pakta me banorët e bizneset dhe punët do të kryhen në një afat sa më optimal
“248 mijë euro kosto dhe rreth 800 metra gjatësi janë shifrat për projektin e rrugës “Adem Jashari””, tha Alban Hyseni.
Sipas Hysenit do të kemi rrugë të re për automjete, trotuar të asfaltuar dhe i përshtatshëm për këmbësorët, rreth 80 vende parkimi përgjatë gjithë rrugës, si dhe pemë dekorative.
“Projektet e mëdha sapo kanë filluar. Për qytetin”, tha kryetari Hyseni. /2LONLINE/
