Institucionet komunale të Vitisë bënë homazhe tek varrezat e dëshmorëve me rastin e Epopesë së UÇK-së.
Me rastin e 19 vjetorit të rënies heroike të Komandantit Legjendar Adem Jashari dhe Familjes Jashari, respektivisht Epopesë së lavdishme të UÇK-së, institucionet komunale të Vitisë kanë bërë homazhe tek varrezat e dëshmorëve të komunës së Vitisë.
Gjithashtu homazhe kanë bërë edhe përfaqësues të Organizatave të dala nga lufta e UÇK-së, policisë së Kosovës, subjekteve politike etj.
Udhëheqësit komunal dhe ata të Kuvendit, kanë vu kurora lulesh edhe tek bustet e vëllezërve dëshmorë Gursel e Bajram Sylejmani, si dhe tek shtatorja e dëshmorit Nijazi Azemi-komandant “Mjekra”.
