KRU “HIDROMORAVA” SH.A. – GJILAN
APEL
KURSEJENI UJIN DHE PAGUANI FATURAT E SHËRBIMEVE TË UJËSJELLËSIT!
Gjilan, 08 korrik 2024 – Vala e nxehtit të madh ditëve të fundit që ka përfshirë vendin tonë, shfrytëzuesit e pandërgjegjshëm si dhe ardhja e bashkatdhetarëve kanë bërë që të rritet në masë të madhe kërkesa për furnizim me ujë.
KRU “Hidromorava” Gjilan me njësitë e saja në Kamenicë dhe Viti, si dhe në zonat rurale është duke operuar me kapacitet të plotë në 24 orë në fabrikat për trajtimin e ujit në FPU Përlepnicë dhe në të gjitha fabrikat tjera, në mënyrë që furnizimi të jetë i rregullt.
Por fatkeqësisht në përballje me mungesë të ujit nga faktorët e lartë cekur, kompania APELON TEK QYTETARËT për kursim dhe mos keqpërdorim të ujit, sidomos mos ta shfrytëzojnë për:
– Larjen e automjeteve,
– Ujitjen e kopshteve dhe pastrimin e trotuareve,
– Mos i leni rubinetet hapur pa nevojë,
– Mos të përdoret për punë ndërtimore, sidomos banesat kolektive që janë duke u ndërtuar,
– Lajmëroni rrjedhjet në kompani,
Si dhe çdo formë tjetër të keqpërdorimit.
Ekipet kontrolluese të kompanisë do të fillojnë inspektimin e lidhjeve të paautorizuara dhe të gjithë ata që identifikohen se janë duke keqpërdorë ujin, lënda e tyre të do të procedohet në Gjykatën Themelore, pasi që çdo kyçje ilegale sanksionohet me Kodin Penal të Republikës së Kosovës.
Ju lutemi kursejeni ujin!
Për çdo informatë shtesë, ju lutem kontaktoni:
0800 61 000
Mob: 044983071, Tel: 0280326980,
Kujdestaria inaktive : 044719813.
Ju faleminderit!
