Komandanti i Komandës së Logjistikës Gjeneral brigade Naim Haziri priti sot në takim ekipin mjekësor nga Bundeswehri i Gjermanisë të udhëhequr nga nënkolonel Dr. Andreas Schwab.
Gjatë takimit që realizuan, gjeneral Haziri u shpreh falënderues ndaj ekipit gjerman për mbështetjen e deri tanishme në zhvillimin dhe ngritjen e kapaciteteve të Forcës së Sigurisë së Kosovës në të gjitha fushat, e në veçanti në ngritjen e kapaciteteve mjekësore për Regjimentin Mjekësor. Gjithashtu ekipi u njoftua edhe me përgatitjet rreth aktiviteteve dhe ngritjes së kapaciteteve operacionale për validimin e Ekipes së dytë të ROL1 si dhe gatishmërinë e bashkëpunimit për zhvillim e ROL2 mjekësor.
Nga ana e tij përfaqësuesi Gjerman i ekipit mjekësor nënkolonel Dr. Andreas Schwab shprehi gatishmërinë e tij dhe të shtetit Gjerman për mbështetje të vazhdueshme në ngritjen dhe zhvillimin e kapaciteteve mjekësorë të Forcës së Sigurisë së Kosovës. /2LONLINE/
