Policia e Kosovës, pasi ishte njoftuar për një rast të veturës së vjedhur, ka bërë hetimet e saja.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se pas një pune intensive hetimore, nga zyrtar të njësisë së hetimeve, është gjetur vetura.
Sipas Hashanit, vetura “Shkoda” me targa 01, ngjyrë e kuqe, e raportuar e vjedhur, është gjetur në magjistralen Gjilan-Ferizaj, skaj rrugës, afër varrezave të fshatit Radivojc.
“Vetura i është dorëzuar pronarit, në gjendjen të rregullt, pa ndonjë dëm. Në lidhje me këtë rast vazhdojnë hetime të mëtejme”, ka thënë zëdhënësi Hashani.
