Gentrit Murseli: Refuzohet kërkesa e LDK-së për tubim në palestër

Gentrit Murseli nga LDK-ja e Gjilanit ka bërë me dije se iu është refuzuar kërkesa këtij subjketi politik për tubim në palestër.

Murseli bënë të ditur se më 30.12.2024 kanë dërguar kërkesën zyrtare për leje për organizimin e tubimit në Palestrën e Sporteve “Bashkim Selishta”, për datën 6 shkurt, ditë e enjte! Pas dy javësh pritjeje, kërkesa është refuzuar me arsyetimin se palestra që është në rinovim do të jetë në dispozicion të KQZ-së.

“Ata që kanë refuzuar çdo projekt madhor për Gjilanin dhe ata që kanë përdhosur besimin e qytetarëve të Gjilanit, përgjigjen do ta marrin më 6 shkurt, ditë e enjte, në sheshin Rexhep Mala & Nuhi Berisha. Sheshin nuk e bllokojnë dot. Sheshin do ta bllokojmë ne”, ka thënë Gentrit Murseli i LDK-së.  /2LONLINE/