Muajin e kaluar, Federata e Futbollit të Kosovës i ka shkruar letër zyrtare FIFA-së dhe UEFA-së për të parandaluar zhvillimin e ndeshjeve të ekipeve serbe në territorin e Kosovës.
Disa ditë më vonë, zëvendëssekretari gjeneral i FIFA-së, Matthias Grafstrem, i ka kthyer përgjigje negative presidentit Agim Ademi.
Sipas asaj që shkruhet në letrën zyrtare, klubet serbe kanë të drejtë të luajnë në veri të Kosovës.
“Sipas paragrafit 107 të statutit të FIFA-së, fakti që disa klube në veri të Kosovës aktualisht luajnë nën kujdesin e Federatës Serbe të Futbollit, nuk e dëmton autoritetin e përgjithshëm organizativ të FFK-së në territorin e saj.
Ne inkurajojmë Federatën e Futbollit të Kosovës që të tërheq kërkesën e parashtruar pranë institucioneve të sigurisë, në mënyrë që ndeshja Trepça – Crvena Zvezda të zhvillohet në Zveçan”shkruhet në letrën e FIFA-së.
