Armend Dallku ka marrë drejtimin e Prishtinës pas largimit të Bylbyl Sokolit.Tekniku vushtrrias ka bërë vetëm një stërvitje me skuadrën para ndeshjes shumë të rëndësishme me Gjilanin.
Pas përfundimit të stërvitjes, Dallku ka folur për faqen zyrtare të klubit për takimin me Gjilanin.
Ish-kapiteni i Prishtinës ka thënë se skuadra e tij futet për fitore në këtë takim, duke përmendur edhe problemin e tifozëve Plisat me Kryesinë e klubit.
“Gjithmonë, edhe sa kam qenë lojtar, kam thënë që Prishtina lufton vetëm për fitore. Kështu që presim fitore, sidomos kur luajmë para adhuruesve tanë të cilëve iu bëjë thirrje dhe i apeloj të vijnë të mbështesin ekipin, të mbështesin lojtarët, sepse është e vetmja mënyrë që të shkohet përpara duke mos e harruar edhe problemin ndërmjet tifozerisë dhe klubit, mund të themi”, ka thënë Dallku.
Ndeshja e javës së gjashtë mes Prishtinës dhe Dritës zhvillohet sonte në stadiumin “Fadil Vokrri”, nga ora 20:00.
