“Ashtu siç u dakorduam me kryeministrin e Republikës së Kosovës, z. Albin Kurti që nga emërimi në detyrën e Këshilltares Politike, u nënshkrua Memorandum Bashkëpunimi. Përmes këtij Memorandumi, të nënshkruar nga Kryeministri Kurti dhe kryetari i KKSH, Ragmi Mustafi, shqiptarët e Luginës përmes Këshillit Kombëtar Shqiptar do të përfitojnë përkrahjen financiare për ruajtjen, kultivimin e gjuhës, artit, kulturës e identitetit shqiptar në Luginë të Preshevës”, ka shkruar në profilin e saj, Ardita Sinani, ish-kryetarja e Preshevës, tani këshilltarja politike e kryeministrit të Kosovës, Albin Kurti, për Preshevë, Bujanoc e Medvegjë.
Postimi i plotë:
Lajm i mirë për shqiptarët e Luginës së Preshevës.
Ashtu siç u dakorduam me kryeministrin e Republikës së Kosovës, z. Albin Kurti që nga emërimi në detyrën e Këshilltares Politike, sot u nënshkrua Memorandum Bashkëpunimi.
Përmes këtij Memorandumi, të nënshkruar nga Kryeministri Kurti dhe kryetari i KKSH, Ragmi Mustafi, shqiptarët e Luginës përmes Këshillit Kombëtar Shqiptar do të përfitojnë përkrahjen financiare për ruajtjen, kultivimin e gjuhës, artit, kulturës e identitetit shqiptar në Luginë të Preshevës.
Në bazë të këtij Memorandumi, Këshilli Kombëtar Shqiptar obligohet që të operacionalizojë Fondin për mbështetje financiare për Luginën.
Pafundësisht falënderuese Qeverisë së Republikës së Kosovës, gjegjësisht kryeministrit, z. Albin Kurti për mbështetjen e vazhdueshme ndaj shqiptarëve në Preshevë, Medvegjë e Bujanoc. /2LONLINE/
