Kreu i Komunës së Gjilanit, Alban Hyseni ka thënë se lufta për liri gjithmonë ka qenë e lidhur me sakrifica të mëdha dhe figura të paharrueshme të heronjve dhe heroinave, shumë prej të cilëve mbeten të panjohur për publikun e gjerë.
”Nëna Stane është një simbol i jashtëzakonshëm i sakrificës dhe guximit. Në shtëpinë e saj janë strehuar dhe ushqyer qindra luftëtarë të UÇK-së, përfshirë tre komandantë të zonave operative. Nga duart e saj të bekuara kanë kaluar edhe gjashtë dëshmorë të kombit, që sakrifikuan jetën për lirinë e atdheut”, ka thënë kryetari Hyseni.
Ai shtoi se kontributi i saj i heshtur, por i jashtëzakonshëm, është një shtyllë e luftës për bashkimin dhe lirinë e shqiptarëve.
“Nëna Stane është një heroinë e gjallë, një burim frymëzimi dhe krenarie kombëtare që meriton nderimin dhe mirënjohjen e përhershme”, ka thënë, i pari i Gjilanit, Alban Hyseni. /2LONLINE/
