Ndizen dritat në Sheshin “Metush Krasniqi”, do të ketë koncerte në kuadër të Kamenica Winter Fest

Kryetari i Komunës së Kamenicës, Kadri Rahimaj në praninë e shumë qytetarëve, ka bërë ndezjen e dritave të vitit të ri.

Me këtë rast ai ka shpërdarë edhe dhurata për fëmijët që kanë qenë të pranishëm.

Ndezja e dritave shënon edhe fillimin e Kamenica Winter Fest.

Në kuadër të kësaj hyjnë aktivitete të ndryshme, e në mesin e tyre edhe dy koncerte në sheshin e qytetit.

Me datën 28.12.2024 në Sheshin “Metush Krasniqi” në Kamenicë do të performojë këngëtari i njohur i shumë hiteve Sinan Vllasaliu. Ky koncert do të mbahet me fillim nga ora 21:00 dhe do të jetë pa pagesë.

Kurse me datën 29.12.2024 në Sheshin “Metush Krasniqi” në Kamenicë do të performojë këngëtari i njohur Butrint Rashiti. Ky koncert do të mbahet me fillim nga ora 21:00 dhe do të jetë pa pagesë. /2LONLINE/