Baseli e ka publikuar formacionin e parë të skuadrës për ndeshjen kundër Luzernit. Për Edon Zhegrovën s’ka vend as në bankën rezervë.
Ylli i ekipit kombëtar të Kosovës, Edon Zhegrova nuk ka arritur ta fitojë një vend as në bankën rezervë për ndeshjen e Super Ligës së Zvicrës kundër Luzernit, ku do të jenë titullar Albian Ajeti, Taulant Xhaka dhe Idriz Voca.
Zhegrova nuk ishte titullar për asnjërën ndeshje të Kosovës gjatë marsit, megjithatë u inkuadra edhe kundër Danimakës, edhe kundër Bullgarisë gjatë pjesës së dytë të ndeshjes.
Ende nuk dihet arsyeja prapa këtij vendimi të trajnerit Marcel Koller.
