“Futbollisti Yll Ibrahimi është seleksionuar nga përzgjedhësi Franco Foda në grumbullimin disaditor me ekipin A të Kosovës”, njofton klubi i tij, SC Gjilani.
Anësori i kuqebardhëve do të jetë i grumbulluar nga data 12 deri më 15 janar me pjesën tjetër të futbollistëve të ftuar për kampin stërvitor, i cili do të zhvillohet në Prishtinë.
Ftesa për Ibrahimin vjen pas paraqitjeve pozitive që ka patur me ekipin e 19-vjeçarve të ‘dardanëve’, derisa ishte njëri ndër më të dalluarit në pjesën vjeshtore të kampionatit në elitën e futbollit kosovar.
“Të gjithë në SC Gjilani i urojnë suksese Ibrahimit dhe paraqitje sa më dinjitoze”, thuhet në njofitm. /2LONLINE/
