Granit Xhaka është kapiteni i përhershëm i gjigantit anglez Arsenal. Xhaka ishte kapiten i përkohshëm i Arsenalit, por në klubin londinez janë mbajtur zgjedhje.
Futbollistët e Topçinjve kishin votuar për kapitenin e përhershëm të klubit dhe e kanë zgjedhur yllin prishtinas, Granit Xhaka.
27-vjeçari që aktivizohet me Kombëtaren e Zvicrës, ka udhëhequr Arsenalin këtë edicion si kapiten në gjashtë takime.
Ka qenë trajneri Unai Emery që ka publikuar lajmin se Xhaka do të jetë kapiten i përhershëm i klubit.
