Në qytetin e Vitisë, është mbajtur një sesion informues lidhur me skemën e granteve të Ministrisë së Zhvillimit Rajonal, në kuadër të Programit të Zhvillimit Rajonal të Balansuar, PZHRB 2022 Start-Up dhe Biznese Ekzistuese LOT 1 dhe LOT 2 për vitin 2022.
Gjatë këtij takimi qytetarët vitias u njoftuan rreth skemës së këtij grati dhe projektit në fjalë dhe rreth mënyrës së aplikimit dhe për sektorët që mund të jetë përfitues.
Gjithashtu u bë me dije se sektorët që nuk kanë të drejtë aplikimi janë: tregtia, ndërtimtaria, bujqësia dhe shëndetësia. Besnik Imeri, Drejtor për Ekonomi, Financa dhe Zhvillim në Viti, i inkurajoj pjesëmarrësit dhe të gjithë qytetarët vitias që kanë ide kreative që të aplikojnë në këto grate duke e vlerësuar atë si një mundësi të mirë për gjenerimin e të ardhurave jo vetëm për krijimin e bizneseve të reja por edhe për ato ekzistuese.
Përndryshe vitiasit janë ftuar të marrin pjesë në këtë sesion nga Drejtoria për Ekonomi, Financa dhe Zhvilim e komunës së Vitisë dhe të Agjensionit Zhvillimor Rajonal-Lindje (RDA). /2LONLINE/
