Bregu perëndimor i Shteteve të Bashkuara është përfshirë nga një stuhi e pazakontë dimërore gjatë kësaj fundjave të festës së Falenderimeve, me reshje të dendura dëbore në Kaliforninë Jugore.
Një nga autostradat kryesore të shtetit u mbyll të enjten, ndërsa Patrulla e Autostradave të Kalifornisë punonte për të zhbllokuar automjetet e ngecura në borë. Ajo u rihap më pas megjithëse shiu dhe dëbora vazhdonin.
Shërbimi Kombëtar Metereologjik tha se priten reshje të dendura dëbore në male dhe erëra të forta në në pjesën më të madhe të perëndimit të Shteteve të Bashkuara.
