/2L ONLINE/ – Kryetari i komunës së Kamenicës Begzad Sinani ka takuar drejtorët e shkollave, stafin e drejtorisë së Arsimit ku kanë folur rreth përgaditjeve të fundit për fillimin e vitit të ri shkollor 2016/2017.
Drejtorët e shkollave e kanë njoftuar kryetarin për përgaditjet e tyre për fillimin e këtij viti shkollor, për gjendjen nëpër shkollat e tyre.
Kryetari Sinani ka folur rreth investimeve të fundit në përfundimin e projekteve nëpër disa shkolla dhe përmirësimin e kushteve për nxënës dhe mësimdhënës ai tha se edhe këtë vit do të kemi projekte të reja për shkollat ku janë të nevojshme investimet dhe ju uroj juve dhe nxënësit për fillimin e vitit të ri shkollor 2016/2017 uroj që të jetë një vit i realizimit të sukseseve në sferën e Arsimit.
Përndryshe, kur jemi te shkollat, bëhet e ditur se shkolla e Koretinit bëhet me dyer të reja.
Komuna e Kamenicës pas përfundimit të projektit të renovimit të shkollës ” Abdullah Krashnica” të Koretinit ka kryer edhe një investim në përmirësimin e kushteve në Arsim.
Kryetari i Komunës Begzad Sinani tha se pasi nuk ka qenë e parapame në projektin e përfunduar më parë ndrrimi i dyerve të shkollësjanë kryer të gjitha procedurat e nevojshme dhe tanimë kjo shkollë është kompletuar me investimet e nevojshme. “Shfrytëzoj rastin të uroj nxënësit, mësimdhënësit dhe qytetarët e Koretinit për këtë projekt ne do të vazhdojmë edhe me realizimin e projekteve të tjera për ju” ka thënë Sinani. /2L ONLINE/
