Ardhja e Cristiano Ronaldos në merkaton e verës bëri bujë të madhe dhe portugezi u pa më shumë si një lëvizje për të arritur triumfin në Champions League, por që u ndalën nga Ajax.
Kjo ka krijuar pakënaqësi tek grupi, që ndihen të trajtuar ndryshe dhe nuk shprehen dot lirshëm në fushë, ashtu siç bënin pa u afruar Ronaldo.
“Don Balon” dhe “Fox Sports” kanë bërë me dije se Paulo Dybala, Mario Mandzukic dhe Alex Sandro janë të tre të zhgënjyer nga sjellja e klubit dhe kanë kërkuar që të largohen në fund të këtij sezoni.
Për sulmuesin argjentinas ka shumë klube që interesohen, po ashtu edhe për mbrojtësin brazilian, ndërsa sulmuesi kroat është në dilemë sepse kohët e fundit rinovoi deri në vitin 2021 me “Zonjën e Vjetër”.
