Nga Riad RASHITI – Drejtor i Drejtorisë për Buxhet dhe Financa, Gjilan
Mbi 1.5 milion euro investime në projekte të reja për vitin 2023 do të realizohen nga buxheti shtesë i krijuar prej tejkalimit të të hyrave vetanake që kanë qenë të planifikuara në vitin e kaluar, si dhe nga bartja e buxhetit të vitit 2022. Ky propozim sot është miratuar në KPF dhe është rekomanduar për votim në seancën e Kuvendit Komunal të Gjilanit.
E ky është një lajm i mirë për qytetarët e Gjilanit që do të jenë përfitues të drejtëpërdrejtë nga këto projekte. Shuma prej 1,565,576.36 euro do të investohet në disa për projekte të infrastrukturës, shëndetësisë, arsimit, bujqësisë, zhvillimit ekonomik dhe në disa fusha të tjera.
Këto janë ndarjet buxhetore në projektet e reja të planfikuara për këtë vitë;
187 mijë euro për investime në projektin e infrastrukturës nëntokësore në rrugën Adem Jashari në Gjilan.
362 mijë euro për projektin mbi 2.4 mil euro për ndërtimin e rrugës Hamdi Kurteshi (përskaj bazës së FSK-së) me katër korsi, me bashkëfinancim me qeverinë e Republikës së Kosovës.
101 mijë euro për projektin e pastrimit, thellimit dhe zgjerimit të lumenjëve, për zgjidhjen e problemeve që po shkaktohen nga vërshimet.
30 mijë euro për ndërtimin e tregjeve për fermerët.
90 mijë euro për ndërtimin e dy shtatoreve të heronjëve Ramiz Cërnica dhe Kadri Zeka.
115 mijë euro për blerjen e mekanizmit për mirëmbajtje të rrugëve të qytetit.
50 mijë euro për subvencionim të serave në bujqësi.
100 mijë euro për subvencionimin e START UP bizneseve vetëm për të rinjët.
50 mijë euro për subvencionimin e bizneseve me pronare gra.
50 mijë euro për subvencionimin e vendeve të reja për punësimin e 20 personave me aftësi të kufizuara.
95 mijë euro për pagesën nga 100 euro për çdo fëmijë të lindur nga komuna e Gjilanit.
25 mijë euro për Kulturë, Rini dhe Sport.
75 mijë euro për hartimin e projekteve zhvillimore.
10 mijë euro për transferin e përkrahjes financiare për tërmetin në Turqi.
40 mijë euro për ndërtimin e platos te shkolla e re e arteve.
140 mijë euro për paga në arsim
37 mijë euro për shpenzime komunale në arsim
si dhe disa investime minimale në disa sektorë tjerë.
Me punë e përkushtim për të bërë më të mirën, janë tejkaluar planifikimet buxhetore, rezultatet e të cilave na e kanë mundësuar që të kemi investime të reja aty ku më së shumti kanë nevojë qytetarët e Gjilanit.
Bashkë mund të bëjmë më shumë!
