Në kuadër të bashkëpunimit me NALT, Iowa dhe FSK, është realizuar trajnimi “ Evakuimi i Viktimave në Fushëbetejë” realizuar nga instruktorët e ushtrisë amerikane nga Garda Kombtare Iowa nga Kampi Bondsteel.
Pjesëmarrës të këtij trajnimi ishin ushtarak nga Garda Kombëtare dhe Regjimenti i Mjekësisë të FSK-së, ku realizuan trajnimin praktik të fokusuar në temat praktike dhe me interes si : Ndihma e Parë për viktimat pas një incidentit dhe evakuimi i viktimave; Ngritja e një PGV-je (Pikë për Grumbullim të Viktimave); Dhënia e Triazhit/Ndihmës së Parë; Kërkesa për MedEvak përmes të 9-linjëshit për MedEvak Tokësor (PECC/CKEP); Evakuimi Taktik i Viktimave për ROL 1 (teorikisht); Kërkesa për MedEvak Ajror përmes të 9-linjëshit (PECC/CKEP); “Hot Load” of casualties and Handover-Takeover to RC-E MEDEVAC Team (Evakuimi i viktimave me helikopter).
Forca e Sigurisë së Kosovës çdo ditë po avancon dhe përgatitet për të përmbushur misionin e saj në të mirë të të gjithë qytetarëve pa dallim, ky profesionalizëm po ngritët me ndihmën dhe përkrahjen e pakursyer të partnerëve, njofton Forca e Sigurisë së Kosovës. /2LONLINE/
