Raporti i fundit në Zvicër ka treguar sa fitojnë njerëzit – përfshirë policinë dhe priftërinjtë. Duke marrë mbi 9.400 vende pune, “Lohnbuch Schweiz 2019” u përpilua nga Departamenti i ekonomisë dhe punësimit në Cyrih.
Raporti tregon, për shembull, që zyrtarët kryesorë financiarë që janë të ri në pozitë kanë një pagë prej 14,000 franga zvicerane (12.460 €) në muaj.
Gjithashtu shumë të paguar janë konsulentët mjekësorë me përvojë në Cyrih. Paga e tyre mujore shënohet në 13,017 franga në muaj, përcjell albinfo.ch.
Ndër të paguarit tjerë të mëdhenj përfshihen diplomatët e niveleve të larta (13,663 franga), menaxherë të rrezikut të kreditit (me pagë fillestare prej 8,769 franga) dhe veterinarë me përvojë (11.320 franga). Dhe, në atë që mund të vijë si befasi, priftërinjtë e famullisë me kishën e reformuar zvicerane në vitin e nëntë të shërbimit kanë një pagë të listuar prej 9.084 franga – një shifër e pandryshuar në vitin e kaluar.
Ndërkohë, një profesionist i IT me kualifikime zvicerane mund të presë që të fitojë 4,615 franga në muaj – një shumë që rritet në 6.669 franga për njerëzit në këtë grup me një diplomë Master. Për policinë në kantonin e Cyrihut, paga është 5,594 franga në muaj dhe për inspektorët me përvojë pune të biletave në trenat në Zvicër, shifra është 4,969 franga.
Fermerët me një kualifikim profesional kanë një pagë të listuar prej 4500 frangash dhe mësuesit e shkollave fillore në Cyrih kanë pagat e tyre mujore të listuara në 7,016 franga në muaj.
