Presidentja e Republikës së Kosovës, Vjosa Osmani, ka vendosur lule tek busti i ish – sekretares, Madeleine Albright, në nderim të jetës dhe veprës së saj në dy vjetorin e ndarjes nga jeta.
“Trashëgimia e saj është skalitur jo vetëm në faqet e historisë sonë, por edhe në të gjitha poret e shtetit tonë. Ne do ta kujtojmë përgjithmonë kontributin e saj të përhershëm për lirinë dhe demokracinë tonë”, ka shkruar Presidentja Osmani.
