Drejtoria Rajonale e Policisë Gjilan, Njësiti i Komunitetit të Stacionit Policor Gjilan në vazhdën e implementimit të planit operacional ‘’Siguria në shkolla’’ ka realizuar një ligjëratë vetëdijësuese kundër dukurive negative në shkollat e komunës së Gjilanit me temë ,,Keqpërdorimi i teknologjisë informative dhe rrjeteve sociale të komunikimit’’. Ligjërata është realizuar në bashkëpunim me Drejtorinë Komunale të Arsimit, psikologët e shkollave, këshillin e nxënësve dhe këshillin e prindërve.
Ligjërata është realizuar me nxënës të klasave VII, VIII, IX, dhe X tek të cilët nga akterët e lartshënuar, nxënësit janë njoftuar për pasojat, rrezikun dhe ndikimin në shoqëri që mundë të vijnë nga keqpërdorimi i rrjeteve sociale dhe mënyra më e mirë për parandalimin nga këto dukuri.
Nxënësit përpos marrjes së njohurive rreth këtyre dukurive negative, kanë qenë të inkuadruar në bashkëbisedim për mundësinë e ndikimit në parandalim të këtyre dukurive. Po ashtu gjatë këtij aktiviteti nxënësit kanë paraqitur edhe punimet e tyre me porosi dhe thirrje në këtë drejtim.
Kjo ligjëratë është mirëpritur dhe vlerësuar pozitivisht dhe shumë të dobishme edhe nga drejtorët e shkollave dhe personeli arsimor.
Drejtoria Rajonale e Policisë Gjilan do të vazhdoj edhe më tej me ligjërata vetëdijësuese me qëllim të parandalimit të dukurive negative dhe rritjes së nivelit të sigurisë në ambientet shkollore. /2LONLINE/
