Policia e Kosovës ka shqiptuar 2 mijë e 87 tiketa trafiku për drejtues automjetesh, për shkelje të rregullave në komunikacion.
Kështu bëhet e ditur në raportin 24 orësh të Policisë së Kosovës, transmeton Portali 2LONLINE.com.
Ndërsa, brenda kësaj periudhe kohore janë shkaktuar 67 aksidente trafiku, prej të cilave, 1 me fatalitet, 24 me të lënduar dhe 42 aksidente me dëme materiale, por pa të lënduar.
Janë arrestuar 13 persona, 7 prej tyre janë dërguar në mbajtje dhe 1 në vuajtje të dënimit. /2LONLINE/
AKSIDENT TRAFIKU ME FATALITET
Vushtrri 18.09.2024-11:55. Raportohet për një aksident trafiku në mes të një veture dhe një kamioni, ku përveç dëmeve materiale lëndime trupore ka pësuar një mashkull kosovar. I njëjti ka ndërruar jetë në vendin e ngjarjes, vdekjen e ka konstatuar mjeku kujdestar. Me vendim të prokurorit trupi i pa jetë është dërguar në IML për obduksion.
