![Përkujtohen Abdullah Tahiri, Ibrahim Pacolli dhe Arben Ramadani](https://2lonline.com/file/2024/05/lavdi_deshmoreve245-850x560.webp)
Përfaqësues të pushtetit lokal nën udhêheqjen e kryetarit Alban Hyseni, ish pjestarë të UÇK-së, familjarë e qytetarë, kanë bërë homazhe në Kompleksin Memorial në Gjilan.
Kjo ceremoni u bë në nderim të 25 vjetorit të rënies së heroit Abdullah Tahiri, dëshmorit Ibrahim Pacolli dhe 24 vjetorit të rënies së dëshmorit Arben Ramadani.
Po ashtu janë bërë homazhe tek shtatorja e heroit Abdullah Tahiri.
Derisa është zbuluar pllaka përkujtimore në Skollën Fillore ‘Selami Hallaqi’.
Kryetari i Gjilanit, Alban Hyseni, tha se sot i kanë nderuar me përulësi dëshmorët e kombit Abdulla Tahiri, Ibrahim Pacolli dhe Arben Ramadani.
“Ndërkohë, në ShFMU “Selami Hallaqi”, bashkë me familjarë e veprimtarë, zbuluam pllakën përkujtimore për fjalimin tashmë të famshëm të qershorit 1998 nga Abdulla Tahiri”, tha i pari i Komunës së Gjilanit.
Kryetari Hyseni tregoi edhe fjalët që ai, atëherë kishte thënë: E nderuar kryesi e punës, të nderuar mysafirë, dhe të gjithë të pranishëm të tjerë! E përshëndes këtë bashkim të subjekteve politike të Gjilanit, me një dëshirë të vetme, për arsye se vërtetë edhe këtu u duk një hezitim i të gjithëve, për një bashkim të vërtetë, e ai bashkim quhet vetëm me një emër: BASHKIMI I POPULLIT TË KOSOVËS RRETH USHTRISË ÇLIRIMTARE TË KOSOVËS! Prandaj, ky bashkim na gëzon të gjithëve, por më së tepërmi i gëzon ata të cilët sot janë vendosur në istikamet e përqendrimit që deri në vdekje të qëndrojnë për lirinë e Kosovës! Kisha dëshiru që kuvendi i ardhshëm, të mbahet në këtë sallë. Ai do të ishte Kuvendi i fundit i bashkimit rreth Ushtrisë Çlirimtare të Kosovës! Ju faleminderit!”.
: “Lavdi e përjetshme dëshmorëve të kombit”, tha nê fund, kryetari i Gjilanit, Alban Hyseni. /2LONLINE/