Festivalet nuk do të jenë një gjë që do t’i mungojnë qytetit të Preshevës në të ardhmen. Pas festivalit të dimrit i cili u organizua për herë të parë në janar të këtij viti, në korrik do të organizohet edhe festivali i verës nga të rinjtë e Preshevës të cilët nuk ndalen me përpjekjen për aktivizimin e jetës kulturore në vend.
Për herë te parë në Preshevë do të keni mundësinë të dëgjoni super muzikë nga super emra të njohur botërisht, ku do të luajnë pothuajse të gjitha llojet e muzikës. Gjithashtu nuk do të anashkalohen edhe artistët lokal, të cilët edhe në këtë sezon verore po na përfaqësojnë denjësisht me atmosferën të cilën po e bëjnë nëpër trojet shqiptare.
23 dhe 24 korrik janë datat të cilat duhet rezervuar për Presheva Summer Festival.Festivali ofron pije, grill dhe muzikë nga artist nga vendet e jashtme posaçërisht nga DJ WILDONE që vjen nga Madridi i Spanjës, i cili performon në klubet e Ibizës dhe në klubet më të frekuentuara të Spanjës, gjithashtu prezent do të jetë edhe DARK CHILD, DJ shqiptarë i cili performon në Zvicër dhe ndër të tjera ka performuar me artist të njohur si: The Game, Tyga, Lil John etj.
Për të mos e lënë me kaq do të jetë edhe DJ Sixtynine, DJ ky i cili cilësohet si një nga DJ më të mirë shqiptarë dhe i cili ka përfaqësuar Kosovën në Tokyo të Japonisë ( Redbull Threestyle Championship )
Me datë 23 Korrik, dyert e festivalit hapen në ora 20:00, gjithashtu nga stafi organizativ bëhet e ditur se festivali është i hapur për të gjithë.
Informatat rreth lokacionit mund t’i gjeni ne eventin e krijuar në Presheva Summer Festival dhe në poster.
Korriku në Preshevë padyshim do të ketë dy natë për tu mbajtur mend gjatë, shkruan Titulli.com
