Infotech Academy në Gjilan dhe Xpertt LLC do të ofrojnë një mundësi të shkëlqyeshme për të rinjtë, pasi së shpejti do të hapet konkursi për pranimin e më se 80 të rinjve për t’u trajnuar në fushën e teknologji informative, me të veçantën që ka ky projekt, mësime teorike, kryerjen e praktikës, e më pas edhe mundësinë e artë që të zbatohen menjëherë ato njohuri të fituara, përmes punësimit nëpër kompani të ndryshme të profilit të teknologjisë informative.
Burim Sherifi, CEO i Infotech Academy ka bërë të ditur për Portalin 2LONLINE, se një mundësi e tillë po u jepet të rinjve nga Anamorava për herë të parë, edhe atë pa pagesë, përmes një projekti që mbështet nga: YOU Program, KODE, Ministria e Ekonomisë dhe Banka Botërore, ku këta të rinj do të kenë mundësi që të trajnohen dhe do të kenë mundësi edhe të praktikohen, e me kryerjen e programit të paraparë edhe mundësi e mirë për punësim në Programin Network Administrator.
Sherifi tha se konkursi do të hapet të hënën ku do të kërkohen 80 të rinj të moshës 16+, të interesuar në këtë fushë, të cilët do të duhet të kenë njohuri të mirë të gjuhës angleze pasi që projekti në fjalë i përgatit për tregun ndërkombëtar të punës.
Ai shtoi se në Programin Network Administrator, do të përfshihen trajnimet, Networking, Systems, Virtualisation dhe Automation.
Sherifi tha se krejt trajnimi do të zgjasë gjashtë muaj, ku gjatë trajnimet do të ketë edhe praktike fizike në Xpertt LLC, ku të rinjtë do të kenë rast të bëjnë praktikë në një nga ISP austriake.
Përndryshe, me të rinjtë që do të përzgjidhen do të punojnë instruktorët e Infotech Academy dhe praktika do të bëhet me inxhinierët e Xpertt LLC.
Andja, Sherifi fton të gjithë të rinjtë nga Anamorava që ta shfrytëzojnë këtë mundësi sepse kështu do t’iu hapen dyert e perspektivës së madhe në një nga fushat më premtuese për të rinjtë, të cila jo vetëm që do të jenë atraktive por edhe një mundësi reale për një ngritje shumë të madhe profesionale.
Rikujtojmë edhe një herë se konkursi për ktë çështje do të bëhet publik të hënën ndërsa të interesuarit mund të adresohen në hapësirat e Infotech Academy, që ndodhen në Rr.Esat Berisha p.n 60000, Gjilan ose të kontaktojnë për çdo informacion, përmes [email protected], tel: +383 48 577 800. Ose vizitoni faqen www.infotech-academy.com, ku do të keni mundësi të informoheni për detaje.
LINKU: http://infotech-academy.com/kode/
/2LONLINE/
