![Mbahen dëgjimet buxhetore me komunitete, biznese, në Kopërnicë e Hogosht](https://2lonline.com/file/2024/07/BUXHETI_KOPERNICE-850x560.webp)
Drejtoria për Buxhet dhe Financa ka filluar me mbajtjen e dëgjimeve buxhetore, dhe dëgjimet e radhës janë ato të mbajtura me komunitete, biznese, në Kopërnicë dhe Hogosht.
Të pranishëm në këtë dëgjim buxhetor ishin: drejtorët Ardita Dërmaku, Uran Berisha e Blerim Murina si dhe zyrtarë të tjerë komunal.
Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2025.
Drejtoresha Dërmaku ka prezantuar buxhetin për vitin 2025, si dhe ka specifikuar shumën e ndarë për investime kapitale.
Dëgjimet buxhetore do të vazhdojnë të mbahen edhe në lokalitetet e tjera të Komunës së Kamenicës. /2LONLINE/