Në tubimin e mbajtur në Kmetoc, Verbicë të Kmetocit dhe Shillovë të Muhagjerëve, kandidati i LDK’së për kryetar të Gjilanit, Lutfi Haziri, tha se do të vazhdoj ta ruaj programin e investimeve në infrastrukturë, në arsim, bujqësi e shëndetësi.
Ai ka falënderuar banorët e kësaj pjese për përkrahjen, përderisa tha se “në Gjilan nuk kanë vend ata që nuk e dinë sa çerdhe publike kemi”.
Haziri pohoi se arsyeja që ka rikandiduar për kryetar të Gjilanit është që t’i ruaj projektet e mëdha multimilionëshe, të cilat do t’ia bëjnë më të mirë jetën qytetarëve.
“Autostrada do të kaloj përskaj këtyre fshatrave, është një rreze e madhe dhe një interes i qytetarëve. Kjo zonë do të zhvillohet jashtëzakonisht shumë me ndërtimin e Autostradës. Po zotohem para juve se nuk ka qeveri që mund ta ndalë projektin më kapital të Gjilanit. Kjo është arsyeja që kam rikandiduar, që t’i ruaj investimet dhe projektet e mëdha për Gjilanin”, tha Haziri.
Në fund, simpatizatëve të LDK’së i është drejtuar edhe Ramiz Ramadani, kandidat për këshilltar komunal, i cili mban numrin 35.
Sponsorizuar nga LDK
