Ndeshja Kosova – Luksemburgu luhet të mërkurën (sonte) nga ora 20:30 në palestrën e vogël të Pallatit të Rinisë dhe Sportit në Prishtinë.
Synimi i Kosovës për fitore është jetik dhe i mbanë gjallë shpresat për të kaluar me sukses raundin e tretë të parakualifikimeve për “Eurobasket 2021”.
Për të përfunduar në vend të parë në grup, Kosova duhet të fitojë me Luksemburgun e më pas të shtunën në udhëtim me Britaninë e Madhe.
Për këtë arsye, Federata e Basketbollit të Kosovës ditë më parë kishte bërë ftesë/thirrje zyrtare për tifozët kosovarë që të jenë në përkrahje të Përfaqësueses së Kosovës në këto dy ndeshje vendimtare.
