Talenti i Kosovës, Milot Rashica po shkëlqen në Bundesligën gjermane dhe formën e tij të mirë e dëshmoi edhe mbrëmë.
Rashica ka shkëlqyer mbrëmë me dy gola në fitoren 4-2 të Werder Bremen ndaj Schalkes. Reagimet nga fansat e shumtë dhe futbolldashësit në Gjermani ishin tejet pozitive, duke e vlerësuar lartë yllin në ngritje të Kosovës.
Klubi i tij ka bërë një postim interesant, duke e krahasuar atë me raketa. Werder madje e ka bërë tag kompaninë amerikane të raketave, SpaceX, duke i thënë: “Hej SpaceX, mendojmë se e kemi gjetur raketën tuaj të radhës”,
Kujtojmë se SpaceX është një kompani amerikane që prodhon raketa dhe anije kozmike të avancuara. Duket se raketa e re e Werderit quhet ‘Milot’ dhe do të funksionoj gjatë dhe ngritet lart në futbollin evropian.
